- Advertisement -
काठमाडौं – सरकारले हिउँद याममा मासिक ३० युनिट र वर्षा याममा मासिक ५० युनिट सम्म विद्युत खपत गर्ने उपभोक्तालाई निःशुल्क विद्युत उपलब्ध गराउने भएको छ ।
शुक्रबार संसदमा आर्थिक वर्ष २०८०-८१ नीति तथा कार्यक्रम प्रस्तुत गर्दै राट्रपति रामचन्द्र पौडेलले आगामी दुई वर्षभित्रै देशका सबै नागरिकमा ऊर्जाको पहुँच सुनिश्चित गरिने जनाए ।
बिजुली खपत बढाइ खाना पकाउने ग्यासलाई क्रमशः विद्युतबाट प्रतिस्थापन गरिने पनि सरकारले नीति लिएको पौडेलले जनाए ।
यसैगरी सरकारले आगामी दुई वर्षभित्रै देशका सबै घरमा विद्युत सुविधा उपलब्ध गराउने पनि बताएको छ । यस्तै विपन्न वर्गलाई निःशुल्क विद्युतीय मिटर उपलब्ध गराइने नीति तथा कार्यक्रममा उल्लेख छ ।
रासस
